სწავლის შედეგი

1

აღწერს ადამიანის ორგანიზმის მაკრო და მიკროსტრუქტურას ნორმასა და პათოლოგიაში (უჯრედიდან ორგანოთა სისტემებამდე) ემბრიონალურ განვითარებას, ორგანიზმის მეტაბოლიზმს და სხეულის განვითარებას

2

განსაზღვრავს ბიოსამედიცინო, სოციალური, ქცევითი, ჯანდაცვის, კვლევითი და კლინიკური მეცნიერებების ფუნდამენტური საკითხების კლინიკური პრობლემებთან კორელაციას.

3

სამედიცინო გარემოში ეფექტური კომუნიკაციით (მათ შორის უცხო ენაზე), ინტერპერსონალური და პროფესიული უნარების გამოყენებით, კონსულტაციას უწევს პაციენტს/პაციენტის ახლობლებს, ურთიერთობს კოლეგებთან და საზოგადოებასთან ეთიკურ-სამართლებლივი პრინციპების დაცვით, მორალისა და ღირებულებების გათვალიწინებით.

4

ახორციელებს პაციენტის ფიზიკურ შეფასებას სხვადასხვა სამედიცინო დისციპლინებში ფსიქოლოგიური და სოციალური ასპექტების გათვალისწინებით, ანამნეზზე დაყრდნობით, ადგენს დაავადების მართვის გეგმას რელევანტურ ინსტრუმენტალური და კლინიკურ კვლევების დანიშვნის, დიფერცირებული დიაგნოზის გატარების და საბოლოო დიაგნოზის დასმის შემდეგ.

5

პაციენტის ასაკის, სქესის და სხვა ფაქტორების გათვალისწინებით მართავს მწვავე და ქრონიკულ დაავადებებს , ტკივილსა და დისტრესს და აძლევს პაციენტს რელევანტურ რჩევა დარიგებებს (ჯანმრთელობის პრომოცია).

6

უახლესი გაიდლაინების და პროტოკოლების შესაბამისად ატარებს პირველად გადაუდებელ დახმარებას სხვადასხვა ასაკობრივ ჯგუფში, მათ შორის სარეანიმაციო ღონისძიებებს: Cardio Pulmonary Resuscitation, Basic Life Support, ACLS და სხვ.

7

გამოწერს მედიკამენტებს პაციენტის ასაკის, წონის, რისკ-ჯგუფების, ჩვენებების, უკუჩვენებების მედიკამენტების თავსებადობისა და ურთიერთქმედების გათვალიწინებით, აკავშირებს მედიკამენტებს შესაბამის კლინიკურ კონტექსტთან.

8

ატარებს საბაზისო სამედიცინო კლინიკურ ინვაზიურ (სიმულატორზე) და/ან არაინვაზიურ (პაციენტზე, მათ შორის სტანდარტიზებული პაციენტი – უშუალო სუპერვიზერის ხელმძღვანელობის ქვეშ, პაციენტის ინფორმირებული თანხმობის შემდეგ) პროცედურებს, ჩვენების , უკუჩვენების და გართულებების გათვალისწინებით

9

უზრუნველყოფს ეფექტურ კომუნიკაციას (ვერტიკალური/ჰორიზონტალური) პაციენტთან პაციენტის ახლობლებთან, კოლეგებთან, ხელმძღვანელობასთან და სხვ.

10

მუშაობს სამედიცინო მულტიკულტურულ გარემოში ეთიკურ სამართლებლივი პრინციპების გამოყენებით პაციენტის ღირსების, უფლებების პატივისცემის გათვალისწინებით.

11

სამედიცინო დოკუმენტაციის წარმოებისა და პრაქტიკული საქმიანობისათვის ეფექტურად იყენებს ინფორმაციასა და საინფორმაციო ტექნოლოგიებს კონფიდენციალობის, პერსონალურ მონაცემთა დაცვისა და სამართლებრივი მოთხოვნების შესაბამისად.

12

იძიებს სამედიცინო ლიტერატურას რელევანტური სამეცნიერო ბაზებიდან მტკიცებითი მედიცინის პრინციპების გათავალისწინებით PICO მეთოდით , აყალიბებს დასკვნებს კრიტიკული ანალიზისა და შეფასების საფუძველზე, აკადემიური პატიოსნებისა და ეთიკური კონტექსტის გათვალისწინებით.

13

ადგენს საკვლევ კითხვას, პრობლემის იდენტიფიცირების, ლიტერატურის მოძიებისა და კვლევის დიზაინის შედგენის შემდეგ აწარმოებს კვლევას (სისტემური მიმოხილვა/ გამოკითხვა), მონაცემების ანალიზის შედეგ გამოაქვს დასკვნები და რეკომენდაციები.

14

აანალიზებს და მართავს ინფორმაციას პოპულაციის ჯანმრთელობის უზრუნველყოფის, ჯანსაღი ცხოვრების წესის წახალისებისა და ხელშეწყობისათვის

15

ჯანდაცვის სექტორში განაახლებს ცოდნას მთელი ცხოვრების მანძილზე და ახდენს ახალ გარემოში ადაპტაციას.