თბილისის საერთაშორისო უნივერსიტეტის სასწავლო-სამეცნიერო საქმიანობის განხორციელებას ხელს უწყობს ბიბლიოთეკის სტრუქტურული ერთეული, რომლის მიზანიცაა უნივერსიტეტის ყველა სახის პერსონალისა და სტუდენტების უზრუნველყოფა თანამედროვე ბეჭდურ და ელექტრონულ მატარებლებზე არსებული წიგნადი ფონდით.
ბიბლიოთეკა თავის საქმიანობას წარმართავს საქართველოს კანონმდებლობის, უმაღლესი განათლების ევროპული სივრცის მარეგულირებელი საერთაშორისო აქტების, წინამდებარე დებულების და უნივერსიტეტში მოქმედი სხვა სამართლებრივი აქტების საფუძველზე.
უნივერსიტეტის ბიბლიოთეკის ძირითადი ამოცანაა უნივერსიტეტში განათლების, მეცნიერებისა და კულტურის განვითარების დონის ამაღლება, სტუდენტებისათვის დახმარების გაწევა სამოქალაქო საზოგადოების ღირსეულ წევრებად ჩამოყალიბების საქმეში.
