ლადო მკერვალიშვილი 2023 წლიდან არის თბილისის საერთაშორისო უნივერსიტეტის რექტორი; 2018 წლიდან – უნივერსიტეტი „ალტეს“ პროფესორი; 2018-2019 წლებში მუშაობდა ვაშინგტონის (აშშ) ამერიკული უნივერსიტეტის კომუნიკაციის სკოლაში მიწვეულ პროფესორად (Fulbright Visiting Scholar). 2006-2007 წლებში იყო ოქსფორდისა და კემბრიჯის (დიდი ბრიტანეთი) უნივერსიტეტებში როგორც მიწვეული სწავლული; 2004 წლიდან ქართულ ამერიკულ უნივერსიტეტსა და თბილისის ი. ჯავახიშვილის სახელმწიფო უნივერსიტეტში კითხულობდა სხვადასხვა საბაკალავრო და სამაგისტრო კურსებს.

ამჟამად ლადო მკერვლიშვილი არის ორგანიაცია „უფლებები საქართველოს“ აღმასრულებელი დირექტორი; ადვოკატთა ასოციაციის ტრენერი; განათლების ხარისხის განვითარების ცენტრის აკრედიტაციის ექსპერტი.

აკადემიური საქმიანობის გარდა, ლადო მკერვალიშვილს აქვს საერთაშორისო ორგანიზაციებში მუშაობის დიდი გამოცდლება. 2018-2023 წლებში იყო ევროპის საბჭოს (სტრასბურგი) ქალთა მიმართ ძალადობის და ოჯახში ძალადობის პრევენციის და აღკვეთის შესახებ ევროპული კონვენციის (სტამბულის კონვენცია) მონიტორინგის მექანიზმის (GREVIO) ექსპერტთა ჯგუფის წევრი; 2004-2018 წლებში ეკავა სამენეჯერო პოზიციები გაეროს განვითარების პროგრამაში (UNDP), საარჩევნო სისტემების საერთაშორისო ფონდში (IFES).  საერთაშორისო ორაგნიზაციებთან დღემდე თანამშრომლობს როგორც კომუნიკაციების, ადამიანის უფლებების, გენდერის და თანასწორობის საკითხების ექსპერტი/ტრენერი.  1998-2003 წლებში იყო გაზეთ „ახალი თაობის“ რედაქტორის მოადგილე, ეწეოდა ჟურნალისტურ საქმიანობას.