ერთიანი ეროვნული გამოცდების გავლის გარეშე სწავლის უფლების მქონე აბიტურიენტებს (უცხო ქვეყნის მოქალაქე, მოქალაქეობის არმქონე ან საქართველოს მოქალაქე, რომელიც არანაკლებ ბოლო 2 წლის  განმავლობაში ცხოვრობდა საზღვარგარეთ) უნივერსიტეტის სტუდენტის სტატუსი მიენიჭებათ კანონმდებლობით დადგენილი წესის შესაბამისად.

უნივერსიტეტში  საბაკალავრო/ერთსაფეხურიან  საგანმანათლებლო პროგრამაზე ჩარიცხვის უფლება აქვს:

ა) უცხო ქვეყნის მოქალაქეებს და მოქალაქეობის არმქონე პირებს, რომლებმაც უცხო ქვეყანაში მიიღეს სრული ზოგადი ან მისი ეკვივალენტური განათლება;

ბ) საქართველოს მოქალაქეებს, რომლებმაც უცხო ქვეყანაში მიიღეს სრული ზოგადი ან მისი ეკვივალენტური განათლება და სრული ზოგადი განათლების ბოლო 2 წელი ისწავლეს უცხო ქვეყანაში;

გ) პირებისათვის, რომლებიც სწავლობენ/სწავლობდნენ და მიღებული აქვთ კრედიტები უცხო ქვეყანაში ამ ქვეყნის კანონმდებლობის შესაბამისად აღიარებულ უმაღლეს საგანმანათლებლო დაწესებულებაში.

პროცედურა:

• უნივერსიტეტში ჩარიცხვის მსურველი აბიტურიენტი მიმართავს უნივერსიტეტს განცხადებით. უნივერსიტეტი დადგენილი წინაპირობების დადგენის შემდგომ იღებს გადაწყვეტილებას ჩარიცხვის მიზანშეწონილობის თაობაზე და გასცემს თანხმობის წერილს საქართველოს განათლებისა და მეცნიერების სამინისტროში წარსადგენად.~
• უნივერსიტეტისგან თანხმობის წერილის მიღების შემთხვევაში, აბიტურიენტი ვალდებულია მიმართოს საქართველოს განათლებისა და მეცნიერების სამინისტროს განცხადებით სწავლის უფლების მინიჭების შესახებ და მინისტრის გადაწყვეტილების საფუძველზე მოიპოვოს უნივერსიტეტში ჩარიცხვის უფლება.
• საქართველოს განათლებისა და მეცნიერების მინისტრის გადაწყვეტილების გამოცემის შემდეგ გამოიცემა უნივერსიტეტის რექტორის ბრძანება აბიტურიენტის უნივერსიტეტში ჩარიცხვის თაობაზე.

ჩარიცხვის წინაპირობა:

• უცხო ქვეყნის მოქალაქის ინგლისური ენის კომპონენტის შეფასება/დადასტურება პირის მიერ მინიმუმ ინგლისური ენის B1 დონის დამადასტურებელი სერტიფიკატის წარმოდგენით (IELTS, TOEFL, Cambridge English, UNIcert®)EnglishScore და სხვ.
• უცხო ქვეყნის მოქალაქე უნივერსიტეტში ქართულენოვან პროგრამაზე ჩარიცხვის შემთხვევაში ვალდებულია ჩააბაროს გამოცდა – ქართული ენის ცოდნის დონის განსაზღვრის მიზნით და დაადასტუროს ენის ცოდნის B1 დონე.
• უნივერსიტეტი უფლებამოსილია მოსთხოვოს აბიტურიენტს მისი საგანმანათლებლო დოკუმენტის ფორმალური ცნობა/აღიარება, ლეგალიზაცია ან/და აპოსტილით დამოწმება.